ШҚО-да жоғалған балықшыларды іздеу жұмыстары жалғасуда

Естеріңізге сала кетейік, 20 қараша күні 30 және 39 жастағы екі балықшы Тарбағатай ауданындағы Зайсан көлінде жоғалып кеткен.

ШҚО ТЖД мәлімдегендей, іздеу жұмыстарына құтқарушылардың жүзу құралдарынан өзге, 19 сүңгуір, ауа көпшігі бар "Пегас" кемесі, сонымен қоса су астындағы көріністі дисплейге шығаратын "Гном" бейнебақылау жүйесі бар.

- Бір жарым шақырым аймақтағы 7-9 метр тереңдікті шолып жатыр, - деп мәлімдеді ШҚО ТЖД баспасөз қызметі. - 23 қараша мен 1 желтоқсан аралығында 55 мұзойық жасалып, 55 рет сүңгуірлер түскен. Су астында ештеңе көрінбейтіндіктен іздеу қиынға соғып тұр. 

27-29 аралығындағы іздеу жұмыстары нәтижесінде күртке, мөшек пен ау табылды. Күн сайын жергілікті 30 балықшы құтқарушыларға көмектесіп, жағадан бір жарым шақырым қашықтықта тралдау жұмыстарын жүргізеді, пайдаланылатын ау ұзындығы – 600 метр.