ШҚО-дағы мемлекеттік органдардың қызметіне 200-ден астам рет қарсы шыққан

Мұндай мәліметтер облыс прокурорының төрағалығымен ШҚО Сараптамалық кеңесінің кеңейтілген отырысында айтылды.

Облыстық прокуратурада кәсіпкерлердің құқықтарын қозғайтын және оларға қысым жасайтын жүйелі проблемаларды анықтау үшін мамандар жүргізген талдау қорытындылары айтылды, деп хабарлайды Устинка LIVE тілшісі.

Онлайн-форматта өткен отырысқа кәсіпкерлер палатасының, уәкілетті органдар мен бизнес-қауымдастықтардың өкілдері қатысты.

- Соңғы екі жылда прокуратураға мыңнан астам өтініш келіп түсті, олардың жартысы іс жүзінде шешілді, - деп хабарлады облыстық қадағалау меккемесі. - Шағымдардың көпшілігі мемлекеттік сатып алу саласына, жер және салық заңнамаларына қатысты болды.

Бизнесмендер полиция қызметкерлерінің әрекетіне шағымданып, сотқа дейінгі істі тоқтатуды талап етті. Жалпы, екі жыл ішінде кәсіпкерлер соттарда 246 рет мемлекеттік органдардың әрекетіне таласып, әрбір бесінші істі жеңіп алды.