ШҚО-да иммундық плазманы сақтауға арналған 35 мұздатқышты сатып алу жоспарлануда

ШҚО Денсаулық сақтау басқармасының ақпараты бойынша, аудандық ауруханалар үшін қосымша 15 мамандандырылған мұздатқыш пен 19 плазма мұздатқыштар сатып алынады, деп хабарлайды Устинка LIVE тілшісі.

Естеріңізге сала кетейік, ШҚО-да плазма банкін құру бойынша жұмыстар белсенді жүргізілуде. Коронавируспен ауыратындардың және инфекцияға антиденелері бар адамдардың барлығын иммундық плазманы тапсыруға шақырады.

- Бүгінгі таңда әртүрлі қан топтарының осы компонентінің 3 мыңнан астам дозасы дайындалды, - деп хабарлады облыстық денсаулық сақтау басқармасы. - 150 пациентке 344 доза құйылды.

Бір плазма доноры кем дегенде екі КВИ ауруын емдеуге көмектесе алады.
Иммундық плазманы тапсырғысы келетіндер Шығыс Қазақстан облыстық Қан орталығына жүгіне алады. Анықтама телефондары: 8(7232)70-38-38, 8-705-752-09-64. Бұл компоненттің донорларына 7 АЕК немесе 19446 теңге мөлшерінде сыйақы беріледі.