ШҚО ауылындағы мектепке жапсарлас салынған ғимарат шатырын жел жұлып алды

Облыста дауыл әлі басылар емес. Бұл жолы Бесқарағай ауданындағы Ерназар ауылына жетті

Жылдамдығы 26 м/сек-ке жеткен қатты жел салдарынан Сосновская мектебіне жапсарласа салынған ғимарат шатырының жабындысы ұшып кеткен.

Шатырдың жалпы аумағы - 291,3 шаршы метр, ал жұлынған аумақ – 45 шаршы метр.

ШҚО ТЖД ақпараттарына сүйенсек, дауыл кезінде ауыл тұрғындарының ешқайсысы зардап шеккен жоқ.