Күршім ауылына Абайдың сәулетті мүсіні қойылды

Күршім ауданы орталығында ұлы ақын, ғұлама ойшыл Абай Құнанбайұлына арналған ескерткіш орнатылды. 

Қара сөз зергерінің тұла бойы мүсінінің биіктігі астындағы тас тұғырымен бірге есептегенде 4 метрге жуық.

- Күршім ауылындағы орталық алаңға 175 жылдық мерейтойы өтіп жатқан хәкімнің есімі беріліп, салтанатты түрде Абай ескерткішінің таспасы қиылды. Түрлі-түсті шамдармен безендірілген субұрқақ іске қосылып, суретке түсу орындары және келушілер отырып демалатын орындықтар қойылған. Мерекелік шараларды өткізетін сахна да алаңның сәнін кіргізіп тұр, - деп жазды Күршім аудандық "Рауан" газетінің фейсбук әлеуметтік желісіндегі парақшасында.