МӘМС жүйесінде сақтандырылған шығысқазақстандықтардың саны өсуде

Шығыс Қазақстанда 1,5 миллионға жуық адам тұрады, деп хабарлайды Устинка LIVE тілшісі. Оның ішінде 700 мыңнан астам адам үшін МӘМС мемлекет төлейді. Сондай-ақ 300 мыңнан астам адам - жалдамалы жұмыскерлер, 75 мыңға жуық адам - ЖК және азаматтық-құқықтық сипаттағы шарттар бойынша жұмыскерлер, 5255 дербес төлеушілер және 160 мың азамат-БЖТ төлеушілер.

- Соңғы екі айда сақтандырылған халықтың өсуі байқалады, азаматтарды сақтандыру мәртебесін өзектендіру бойынша жұмыстар жүргізілуде. Алайда 300 мыңға жуық адам әлі сақтандырылмаған, - деді ШҚО бойынша әлеуметтік медициналық сақтандыру қоры филиалының директоры Ғалымжан Әбілов. - Елімізде әлі күнге дейін емханаларға тіркелу науқаны жүріп жатыр.

Қордың мәліметінше, тоғыз айда стационарлық медициналық көмекке 15,3 миллиард теңгеден астам, ауылдағы стационарлар қызметіне бес миллиард теңгеге жуық қаражат жұмсалды.

- Осы уақыт ішінде жоспарлы түрде стационарларда 90 мыңнан астам адам ем қабылдады, - деп атап өтті Ғалымжан Әбілов. - Қор халыққа жоғары технологиялық қызмет көрсетуге 721 миллионнан астам теңге төледі. Мұндай қызметтерді 192 адам алды. 2,1 миллиард теңге стационарды алмастыратын көмекті төлеуге бағытталды. Жіті жай-күйден және операциялық араласудан кейін медициналық оңалтуды 3504 адам алды.

МӘМС бағдарламасына қатысу мәртебесін Қордың fms.kz сайтынан, @SaqtandyryBot телеграмм-бот арқылы және egov.kz порталда байқауға болады. Сондай-ақ Қордың тәулік бойы жұмыс істейтін 1406 колл-орталығы жұмыс істейді.