COVID-19-дан жазылғандар 20 мың теңгедей ала алады

Коронавирустан жазылып шыққан бір адамның иммундық плазмасы біреудің өміріне араша түседі немесе кемінде екі пациенттің жағдайын оңалтуға септігін тигізеді.

ШҚО Қан орталығы 3063 доза иммундық плазма жинады. Семейде 41 доза кәдеге жаратылса, Өскеменде – 72, Алтайда – 12.

- Қазір облыстағы инфекциялық стационарларында жатқан 37 науқастың жағдайы нашар, үшеуіне ИВЛ аппараты қосылған. Плазманы әркімге қолдану жолы әр түрлі, - дейді облыс әкімі Даниал Ахметов. - Біздің дәрігерлер ем жасаудың осы әдісі мен плазма ісерін тереңірек зерттеуі керек.

КВИ-мен ауырмаса да плазма тапсыруға ниеттілерге де Қан орталығының есіктері ашық. Анықтама телефондары: 8(7232)70-38-38, 8-705-752-09-64. Плазма донорларына 7 АЕК немесе 19446 теңге көлемінде ақшалай сыйақы беріледі.