13 қарашада облысқа тағы 40 жедел жәрдем көлігі келеді

Күні кеше ғана, шығыс өңіріне 60 медициналық жедел тасымал көлігі әкелінген болатын. Оның 40 – Өскемен қаасына, 20 – Семей қаласына арналады, деп хабарлайды Устинка LIVE тілшісі.

Жылдам сары көліктер өкпеге арналған жасанды дем беру аппараттарымен, ЭКГ, тамыр соғысын бақылау құрылғысымен, медициналық құрал-саймандармен жабдықталған.

- Бұл медициналық қызмет көрсету сапасын арттырады деп сенеміз. Өйткені жедел-жәрдем қоңырау соққан науқасқа өте жылдам уақыт ішінде жетуі керек. Қарашаның 13-інде республикадан тағы да 40 жедел-жәрдем көлігі келеді. 10 көлік – Өскемен қаласына, 30-ы – Семейге жіберілетін болады, - дейді облыс басшысы Даниал Ахметов.