Абай ауданында жаңа мектеп ашылды

Абай ауданы әкімдігі мәлімдегендей, жаңа білім ошағына ұлы ойшыл Абай Құнанбайұлының есімі берілді. Жалпы орта білім беретін мектеп-лицейде оқу-тәрбие үрдісі екі тілде: қазақ және орыс тілдерінде жүргізіледі.

- Мектеп Назарбаев Зияткерлік мектебінің стандарттарына сәйкес заманауи оқу жабдықтарымен, оның ішінде физика, химия, биология және тілдік пәндерді жаңа модификациялауға арналған кабинеттермен жабдықталған, - дейді әкімдіктегілер.

Жалпы 547 оқушы білім алып отыр. Мектепалды даярлық сыныптарында 63 тәрбиеленуші бар. 1-4-ші кезекші сыныптар бойынша 14 сынып-жиынтықтары ашылған. Жиыны 229 бас-
тауыш сынып оқушылары білім алып отыр.

- Жаңа мектеп пайдалануға берілгеннен кейін жаңа оқу жылы халық үшін, шәкірттер үшін үлкен қуанышқа айналды, - дейді Абай аудандық ішкі саясат бөлімінің меңгерушісі Бурхан Мұратов. - Нысанның сәулеттік келбеті келуші қонақтардан да оң бағасын алып үлгерді. Мектеп қарсысына шынар ағаштары отырғызылып, кіші архитектуралық формалар қойылған. Ауыл тұрғындарына, келушілерге әсемдік сыйлау мақсатында гүлзарларды абаттандыру жұмыстары толығымен аяқталды.