Келесі аптада, 5 қарашаға дейін ШҚО жаңа 100 жедел жәрдем көлігін алады

ШҚО Жедел жәрдем станциясы бір жылдан астам уақыт бойы жаңа, соңғы үлгіде жабдықталған көліктерді күтіп отыр.

ШҚО әкімі мәлімдегендей, келесі аптада көптен күткен көліктер келеді.

- Алғашқы 50 көлікті Өскемен мен Семейдегі ЖМКА алады да, жақын маңдағы аудандардағы шақыртуларға шығуға міндеттеледі, - дейді Даниал Ахметов. - Денсаулық сақтау басқармасына жақын күндері дәрігерлер үшін ем кезінде қан плазмасын пайдалану бойынша семинар өткізу туралы тапсырма бердім. Денсаулық сақтау министрлігі әлемдік тәжірибені пайдалана отырып тәжірибелік сабақтар өткізуге әзір. ҚР-дағы қан пдазмасының 70%-ы ШҚО-да екенін еске саламын.