Өскеменде 25 шақырым жаңа жаяу жүргіншілер жолы салынады

Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің ақпаратынша, Зайсан, Малдыбаев, Мұнайшылар, Өскемен,  Бостандық көшелеріндегі жаяу жолаушыларға арналған жолдар тұрғындардың талап-тілектері бойынша жөнделіп жақсартылды.

- Абаттандыру жұмыстары аясында 19 шағын ауданда 1 шақырымға жуық жаяулардың жолы салынды. 45, 35, 2, 4, 23 мектептерге апаратын әдемі, ыңғайлы жолдар салынды. Енді Абай даңғылындағы автобекет ауданында да тамаша тротуарлар бар. Олардың ұзындықтары 10 шақырымды құрайды, - дейді басқарма өкілдері.

Енді жаяу жүргіншілерге арналған жаңа жолдар Пограничная, Жұмысшылар, Өндіріс көшелерінде, Шәкәрім даңғылында, Өскемен-Семей тас жолында пайда болады.