Өскемендегі дүкендердің тазалығы мен қауіпсіздігі тексерілді

ШҚО Тауарлар мен қызметтердің сапасын бақылау және қауіпсіздігін қамтамасыз ету департаментінің қызметкерлері Өскемендегі сауда объектілеріне кезекті тексеріс жүргізді

Барлық жеке қорғаныс құралдарының - бетперделер, қолғаптар, қол күтімі құралдарының бар-жоғын тексерді. Мониторинг барысында қызметкерлер мен клиенттер арасындағы әлеуметтік арақашықтықтың сақталуын атап өту маңызды болды, деп хабарлайды Устинка LIVE тілшісі.

ШҚО Тауарлар мен қызметтердің сапасын бақылау және қауіпсіздігін қамтамасыз ету департаментінің баспасөз қызметі хабарлағандай, тексерістің мақсаты - Шығыс Қазақстан облысының Бас дәрігерінің шешімдеріне сәйкес санитарлық талаптардың сақталуын бақылау. Мобильді топтың жұмысына құқық қорғау органдарының, кәсіпкерлік бөлімінің өкілдері, Өскемен қаласының тауарлар мен қызметтердің сапасын бақылау және қауіпсіздігі бөлімінің мамандары, сондай-ақ бұқаралық ақпарат құралдары белсенді қатысты.

- Тексеріс тобы Мұхтар Әуезов даңғылы бойындағы азық-түлік дүкендерін тексерді. Сауда нысандарында бетперде режимі сақталған. Зарарсыздандырғыштар мен дезинфекция кестелері орнатылған. Санитарлық-эпидемиологиялық қауіпсіздіктің барлық стандарттары сақталған. Алайда көптеген мекемелерде контактісіз термометрлер жоқ болғандықтан, келушілердің ыстығы өлшенбейді, - деп атап өтті департамент.

Инспекторлар сатушылармен түсіндіру жұмыстарын жүргізді.

Тақырыптар: Коронавирус в ВКО Санитарные нормы Рейд по магазинам Департамент контроля качества и безопасности товаров и услуг ВКО