Семейдегі Балалар және жастар шығармашылық сарайында жөндеу жұмыстары аяқталады

Мердігер компания республикалық бюджет есебінен ғимарат шатырын, қабырғаларын жөндеп, вентиляцияны ауыстырды

Биыл жарты мыңға жуық бала келетін Шығармашылық сарайын жөндеу жұмысарына Жұмыспен қамту жол картасы аясында 237 млн теңге бөлінді.

Қазір "ДОРРЕМСЛУЖБА-2" ЖШС бассейн маңына кафель төсеп жатыр.

- Балалар және жастар шығармашылық сарайы 1992 жылы ашылған. Содан бері күрделі жөндеу жүргізілмеген. Жылдар өткен сайын ғимарат шатыры, қабырғасы ескіріп, тозығы жеткен, - дейді мекеме директоры Қанат Шапатов. - Оқу жылы бойы бұнда 600-ге жуық бала тәрбие алады. Жақсы жетістікке жеткендер спорт шеберлігі мектебіне қабылданады.

Қанат Мұратұлының айтуынша, жұмыстар 70%-ға аяқталды, 14 желтоқсан күні нысандағы жұмыстар толық аяқталады деп жоспарлануда.

Тақырыптар: Дворец творчества детей и молодежи в Семее Капитальный ремонт здания ТОО "ДОРРЕМСЛУЖБА-2"