Өскемен мен ШҚО Шар қаласында жаңа спорт кешені ашылды
Шар қаласында жаңа, заман талабына сай спорт кешені бой көтерді. Заманауи нысанда келушілер үшін барлық жағдай жасалған
Спорт кешені қаланың орталығындағы Тәуелсіздік көшесінің бойында орналасқан. Мұнда боксқа арналған жеке зал және жаттығуға арналған екі зал бар. Яғни, спортшылармен қатар, қала жұртшылығының да тұрақты қоғамдық спортпен айналысуларына жол ашылып отыр.
- Жасалып отырған бұл мүмкіндік спорт биігін бағындырар жас өрендеріміздің қалыптасуына ықпал ететіндігі анық, - деді аудан әкімі Ахметқали Нұрғожин.Жарма ауданы әкімдігінің баспасөз қызметі ұсынған ақпараттарға сүйенсек, құрылыс жұмыстары уақтылы аяқталып отыр. Естеріңізге сала кетейік, құрылыс былтыр қыркүйек айында басталған болатын. Жобалық құны - 299 850 380 теңгені құрайды.