Жыл соңына дейін Алтайда 14 үй пайдалануға беріледі

Алтай ауданының әкімі Қалиқан Байғонысов тұрғын үй құрылысы және ауданның әлеуметтік әлсіз тобын баспанамен қамтамасыз ету мәселесі туралы айтты

Тұрғын үй құрлысы Алтай ауданында да қарқынды жүргізілуде. Ауданда көпбалалы отбасыларға арналған 14 үй салынуда.

Бұл аудандағы баспана кезегінде тұрған отбасылар үшін жағымды жаңалық болды.

- Биыл Алтай қаласының ескі бөлігінде орналасқан үйлердің ауқымды құрылысы басталды. Ауданда 14 үйдің құрылысы жүргізіліп жатыр. Аталған үйлер желтоқсан айында пайдалануға беріледі деп жоспарланып отыр. Бүгінде ауданда 1166 адам баспана кезегінде тұр. Оның 945-і әлеуметтік әлсіз топтағы адамдар болса, 27-сі көпбалалы отбасылар, - дейді Алтай ауданының әкімі Қалиқан Байғонысов.

Тақырыптар: Новые дома в Алтае Каликан Байгонусов Жилищное строительство в ВКО Социально-уязвимые категории населения