Шығысқазақстандықтар кинотеатрлардың ашылуын қолдап қол жинап жатыр

Кино өнері өкілдері, ҚР "Кинотеатрлар альянсы" кинотеатрлар иелерінің Ассоциациясы ел Президенті Қасым-Жомарт Тоқаевтың атына халық атынан хат дайындады

Петицияда кинотеатрлар қызметіне қойылған тыйымды алып тастап, шектеу шараларып сақтай отырып жұмыстарын жалғастыруға өтініш білдіреді.

Онлайн өтініште кинотеатрлардың және кейбір мәдени демалыс орындарынан басқа барлық ұйымдардың жұмысының қайта жандануын сұраудан басталды. Азаматтар президенттен коронавирус жағдайының тұрақталуына байланысты денсаулық сақтау министрлігі ұсынған шектеу шараларын қолдана отырып, кинотеатрлардың жұмысына рұқсат беруін сұрайды. Мұнымен қоса 5000-нан астам қызметкерлердің айлығы төленіп отырғанын, бірақ жұмыс тоқтап шығынға ұшырап жатқандарын айтқан.

- ТМД-ның басқа елдері және әлемнің, соның ішінде Ресейдің, Қытайдың, Біріккен Араб Әмірліктерінің, Украинаның, Өзбекстанның тәжірибесі көрсеткендей, кинотеатрлардың ашылуы эпидемиологиялық жағдайға ешқандай әсер етпеді, – делінген жазбада.

Осыдан 7 ай бұрын 13 наурыз күні карантин шектеулері негізінде жұмысын тоқтатқан кинотеатрлар әлі ашылмады. Елде пандемия тұрақталғанымен карантин толықтай аяқталмады.

- Құрметті кинокөрермендер, біз кинотеатрлардың ашылғанын күтіп жүрміз, бізге сіздердің көмектеріңіз қажет, - деп "Юбилейный" кинотеатрының өкілдері өздерінің Instagram әлеуметтік желісіндегі парақшасында халықты петицияға қол қоюға шақырады.

Қазір онлайн петицияға өтініш бергендер саны 11 мыңнан астам адам қол қойған.

Тақырыптар: Открытие кинотеатров Петиция об открытии кинотеатров Ассоциация владельцев кинотеатров РК "Альянс Кинотеатров" Обращение к Президенту Ограничительные меры в ВКО Коронавирус в ВКО