Қабырғаға ақындардың суреті салынды

"Шығыс - Адалдық алаңы" жобасы аясында ұлы ақын Абай Құнанбайұлының 175 жылдығына орай Аягөз қаласы, Қабанбай көшесіндегі көпқабатты тұрғын үй ғимаратына Ұлы Абайдың бейнесі салынды. Ал Шәкәрім Құдайбердіұлының бейнесі Үржар ауылы, Абылайхан даңғылы бойындағы "Нұрсұлтан" сауда үйінің қабырғасына салынды.
Аягөздегі көпқабатты үй сыртына ақынның суретімен қоса "Adal júrip, Adal tur" деген қанатты сөзі жазылса, Үржардағы сауда үйінің қабырғасына да Шәкәрімнің суретімен бірге "Жүрегі таза адам қиянатқа бармайды" деген қанатты сөзі келтірілген. Айта кетейік, сурет астында ҚР Сыбайлас жемқорлыққа қарсы іс-қимыл агенттігінің Call-орталық номері (1424) мен эмблемасы бейнеленген.
Осылайша "Шығыс - Адалдық алаңы" жобалық кеңсесі азаматтарды жемқорлықпен бірлесіп күресуге шақырады.