Ұлан ауданында көшеде жайылып жүрген жылқы мен ірі қара айып алаңына қамайды

Тас жол үстінде жүрген мал көлік апатына себеп болуы мүмкін. Сол үшін тәртіп сақшылары малды арнайы айып алаңына қамайды.

Мәселен, жақында ғана Өскемен-Семей тас жолы бойындағы 53-ші шақырымда жайылып жүрген 52 жылқы осындай қораға қамалған еді.

- Жол қозғалысына кедергі келтірген жылқы үйірі айып алаңына айдап әкелінді, - деп мәлімдеді Ұлан аудандық полиция бөлімшесі. - Жылқы иесі әкімшілік жауапқа тартылса, ал ауыл әкіміне мал жайылымын ережеге сай ұйымдастыру туралы ескертпе жасалды.

Осыған дейін "Мал ұрлығы" жедел алдын алу шарасы өтккен уақытта аудандық полиция бөлімшесінің қызметкерлері Өскемен-Самар тас жолы бойында жайылып жүрген 56 ірі қараны осындай айып алаңына қамап қойған еді.