Өскеменде қала күніне орай гүлбақ ашылды

Биыл Металлургтер сарайы ауданында нағыз апгрейд басталды, оны тұрғындар шамамен 10 жыл күтті, деп хабарлайды Устинка LIVE тілшісі.

Н. Назарбаев даңғылы мен Мостовая көшесінің қиылысында орналасқан саябақты абаттандыру қала күніне орай аяқталды. Мұнда орындықтар, үстелдер, қоқыс жәшіктері, жарықтандыру тіректері, түрлі-түсті плиткалар пайда болды. Демалыс аймағының басты элементі - ұлттық стильде орындалған, күмбезі шаңырақ түрінде және барлық жағынан аспалы жарықпен безендірілген үлкен сәндік аймақ. Адамдар қала басшысына ризашылықтарын білдіріп, алғыстарын жаудырды.

- Бұрын бұл жерде қараусыз қалған аумақ болған, - дейді қала тұрғыны Әсем Болатова. - Енді ойын алаңдарында, орындықтарда және үстелдер де әдемі және мұндай тамаша бейнені көріп көңілің де көтеріледі. Мен күн сайын келіп, атмосферадан ләззат алғым келеді.

Жақын арада қала тұрғындарын Стахановская көшесінен Металлургтерге дейінгі Назарбаев даңғылының учаскесінде жарты шақырымдық абаттандырылған жаяу жүргіншілер жолы қуантады. 

- Биыл шектеу шараларына байланысты біз қала күнін жаппай атап өте алмадық, - деді Өскемен қаласының әкімі Жақсылық Омар. - Барлық ашылатын нысандар қаланың 300 жылдығына арналады. Әрбір өскемендікке денсаулық, отбасылық амандық, бақыт тілеймін!