Ертең Семейде айыппұл төлемеген жүргізушілерді ұстай бастайды

Жедел алдын алу іс-шарасы борышкерлерді анықтауға және оларға айыппұлдарды мәжбүрлеп төлеу шараларын қолдануға бағытталған. Ол үшін тәртіп сақшылары тексеру жұмыстарын өткізіп, тәртіп бұзушыларды табады. 

- Қазақстан Республикасының Әкімшілік құқық бұзушылық туралы кодексінің 893-бабына сәйкес айыппұлды әкімшілік жауапкершілікке тартылған адам қол қойған күннен бастап отыз күннен кешіктірмей төлеуі керек, - деп еске салды Семей қаласының полиция бөлімі. - Орындалмаған жағдайда айыппұл Кодекстің 894-бабына сәйкес мәжбүрлеп төлету жолымен өндіріледі.