Семей қаласы әкімдігінің қызметкерлері қауіпсіз жерге көшірілді

27 тамызда сағат 12.30-да 102 нөміріне белгісіз адам қоңырау шалған. Оның айтуынша, әкімшілік ғимаратында жарылғыш зат салынған

Әкімдіктен 170-тен астам адам қауіпсіз жерге көшіріліп, аумақта көлік қозғалысы шектелді. Бомбаны іздеуге саперлер мен кинологтар қатысты.

Семей қаласының әкімдігі қоршауды сағат 17.00-де ғана алып тастағанын хабарлады. Ешқандай жарылғыш зат табылған жоқ. Қазір мамандар қоңырау шалушыны анықтап жатыр.