Шығысқазақстандықтарды құжат уақытын дер кезінде ұзартуға шақырады

Адамдар 10 жыл мерзімге жеке куәлік немесе төлқұжат алып, көптеген жылдар бойы олардың жарамдылық мерзімі туралы ұмытып кетеді. 10 жыл уақыт ұзақ көрінетін шығар, бірақ құжаттың аяқталу күні тосын болуы мүмкін. 

Азаматтарға арналған үкімет шығысқазақстандықтардан құжаттардың дұрыстығын тексеруді сұрайды.

- Төлқұжат пен жеке куәлік алу үшін, егер бұл бірінші рет алынған құжат болмаса, тіркеу және тұрғылықты жеріне қарамастан кез келген ХҚКО-ға келіп, жаңа құжаттарға өтініш жазу жеткілікті. Қазақстанда адамдардың өз аты-жөнін өзгерткен немесе құжаттардың бүлінген,  жоғалған және жарамдылық мерзімі аяқталған жағдайда тұрғылықты жері туралы анықтама қағазынсыз құжаттарды рәсімдеуге болады. Ал 16 жасқа толған адамдарға, яғни құжатты бірінші рет алған адамдарға қызмет тіркеу орнындағы халыққа қызмет көрсету орталығында көрсетіледі, - деп хабарлайды "Азаматтарға арналған үкімет" АК кеңес беру ұйымының ШҚО-дағы бөлімі. 

Жаңа форматқа сәйкес, Халыққа қызмет көрсету орталығына келу үшін алдын-ала кезекке тапсырыс беру керек. Мұны үш жолмен жасауға болады: 

-1414 нөміріне қоңырау шалу арқылы; 
- egov.kz электрондық үкіметтің веб-сайтында; 
- EgovKzBot2.0 - Telegram боттарын қолдану арқылы.

Егер сізге жеке куәлікті тезірек алу қажет болса, өтініш берген кезде алдын ала  ХҚКО қызметкеріне хабарлауыңыз керек. Бұл жағдайда құжаттарды рәсімдеу үшін тіркеу күнін қоспағанда екі жұмыс күні кетеді.