Ертең ШҚО-да бұршақ жауып, найзағай болады

ШҚО-да кей аудандарда найзағай, дауыл, күндіз бұршақ жаууы мүмкін. Жел екпіні 25 м/с. 

ШҚО ТЖД баспасөз қызметі хабарлағандай, Өскемен мен Семейде де найзағай мен қатты жел күтіледі. Жел екпіні 15-20 м/с.

- Адамдарға қауіпсіздік шараларын қатаң сақтау ескертіледі, - дейді ШҚО ТЖД мамандары. - Қатты қажет болмаса, үйден, кеңседен шықпаған жөн. Балкон мен жер үй аумағынан жел ұшырып кетер заттарды алып тастаңыз. Егер дауыл кезінде далада жүрсеңіз, жақын тұрған ғимаратқа кіріп бой тасалаңыз. Жарнама қалқаншалары, автобус аялдамалары мен талдардың астына тығылмаңыз. Электр желілерінің жанында тұрмаңыз. Теректің астына көлік қоймаңыз.