Өскемендіктерден әлеуметтік көмір сатып алуға асығуды сұрайды

Өскемендіктерді әлеуметтік көмірмен қамту үшін 20 тамыз кұні әкімдік, "Ауған соғысындағы ардагерлердің Өскемендегі ұйымы" қоғамдық бірлестігі мен "Қаражыра" АҚ арасында үш жақты меморандумға қол қойылды.

Әлеуметтік әлсіз топтарға жататып тұрғындар арзан бағамен сатылып жатқан көмірді алып жатыр. Біз әкімдік қызметкерлерімен бірге көмір жеткізілетін орындардың біріне барып, қатты отын мөлшерінің жеткіліктілігі мен ешқандай дүрлікпенің болмайтындығына көз жеткізіп қайтқан едік. Защитада ондай мәселе жоқ: ұзын-сонар кезек жоқ, көмір көлемі жеткілікті, ал әлеуметтік көмір кезексіз беріледі.
 

- Көмір сататын орындар жұмыс істеп тұр, кестеге сәйкес жеткізіліп отырады. Қазір әкімдіктің басты міндеті – халықты қатты отынмен қамтамасыз ету. Оған "Қаражыра" АҚ көмектесіп жатыр, - дейді Өскемен қаласының әкімі Жақсылық Омар. - Қыркүйек айының соңына дейін қала тұрғындары түгелдей қатты отын алулары керек.