Ұлын маскүнемдіктен емдегісі келген Семейлік тұрғыны ақшасыз қалды

84 жастағы зейнеткер өзіне көмектеспек болған алаяққа қомақты сома берген, бірақ ол уәде етілген істі орындамаған

Семейлік кейуана ұлын ішімдікке тәуелділіктен бас тартқызуға уәде берген ер адамға 50 мың теңге төлеген.

Кейінірек алданғанын білген ол полиция қызметкерлерінен көмек сұрады. Көп ұзамай тәртіп сақшылары бұрын осыған ұқсас қылмыстар үшін сотталған 31 жастағы Семей қаласының тұрғыны болып шыққан қылмыскерді ұстады.

- Алаяқтық және сенімге қиянат жасау арқылы қаражатты жымқыру фактісі бойынша Қазақстан Республикасы Қылмыстық кодексінің 190-бабының 1-тармағы "Алаяқтық" бойынша сотқа дейінгі тергеу басталды, - деді ШҚО полиция басқармасының бастығы, полковник Сағат Мадиев.

Тақырыптар: Мошенник в ВКО Лечение алкоголизма Обманул пенсионерку