Шығыс Қазақстан облысының 55 тұрғынына ішімдік ішуге тыйым салынды

Жедел алдын алу іс-шарасының мақсаты - отбасылық-тұрмыстық қатынастар арасындағы маскүнемдік қылмыстардың алдын алу және болдырмау болып табылады. Сондай-ақ іс-шара барысында олар адамдардың тұрғылықты мекенжайы бойынша полиция бөлімшесінде есепте тұрған адамдарды тексеріп жатыр. 

ШҚО Полиция басқармасының баспасөз қызметінде атап өтілгендей, үш күн ішінде отбасылық және тұрмыстық қатынастарда бірде-бір қылмыс болған жоқ. Тек 120 заң бұзушы заңсыз әрекеттері үшін әкімшілік жауапкершілікке тартылды. Сонымен қатар, 40 адам алкогольдік ішімдік ішкені немесе мас күйінде қоғамдық орындарға шыққаны үшін жауапқа тартылды.

- 285 адамға қатысты қорғаныс бұйрықтары шығарылды. Полиция қызметкерлері құқық бұзушылардың мінез-құлқына байланысты 66 ерекше талап қойды, оның 55-іне алкогольдік ішімдік ішуге тыйым салынды. Ұсақ бұзақылықтың үш фактісі тіркелді, - деді ШҚО Полиция басқармасының басшысы міндетін атқарушы Жанболат Қалетаев. 

Үш күннің ішінде полиция қызметкерлері өздерінің бақылауындағы 1300-ден астам адамды тұрғылықты мекенжайын тексеріп, олармен тұрмыстық және басқа да құқық бұзушылықтардың алдын алу мақсатында профилактикалық әңгімелесулер өткізді.