Шығыс Қазақстан облысының жағалауларынан 80 текше метрге жуық қоқыс шығарылды

Экологтар, әкімдік мамандары, еріктілер "Таза Қазақстан" кең ауқымды акциясы аясында су нысандарын тазартуға кірісті.

Шығыс Қазақстан экологиялық акцияға өткен аптада қосылды. Белсенділер Алакөл, Шүлбі су қоймасы, Өскемен, Семей шекарасындағы Ертіс жағалауларын тексеріп, шамамен 80 текше метр қоқысты шығарды. Мамандар абаттандыру ережелерін бұзғаны, тыйым салынған жерде шомылғаны және қоғамдық орындарда алкоголь ішкені үшін 10 адамды жауапкершілікке тартты.

- Біз аудан әкімдеріне қоқыс жинайтын контейнерлерді, санитарлық-гигиеналық қондырғыларды орнатуды, далаға жағылған отты абаттандыру үшін арнайы орындармен жабдықтауды және демалыс орындарын санитарлық тазартуды тұрақты негізде жүргізуді ұсындық, - деді ШҚО экология департаментінің баспасөз қызметі. - Полиция бөлімдері жүрген жерінде қоқыс қалдыратын құқық бұзушыларға қарсы бақылауды күшейтуі керек.