В семи дошкольных учреждениях Усть-Каменогорска завершился ремонт

Қыркүйек айында эпидемиологиялық жағдай жақсарса балалар жайлы, әдемі және жарық бөлмелерде оқиды.

Ақыл-есі кем балаларға арналған №61 балабақша 72 балаға есептелген. Биыл "Жұмыспен қамтудың жол картасы" бағдарламасы бойынша мектепке дейінгі мекемені жөндеуге 17 миллион теңге бөлінді. Балабақшада 350 шаршы метр шатыр ауыстырылды, сонымен қатар есіктер, баспалдақтар, кейбір бөлмелердің жылу жүйесі жөнделді. Дәрігерлер мен ойын ойнауға арналған кабинеттер қалпына келтірілді.

- Балабақша балаларды қабылдауға дайын, - дейді мекеме директоры Светлана Мухина. 

№18 "Еркетай" балабақшасында, ЖҚЖК аясында 900-ден астам жылу радиаторлары ауыстырылды, кейбір бөлмелерге қосылды және ғимараттың фасады қалпына келтірілді. 

- Біз жылу жүйесін жөндеу үшін 8 миллион 800 мың теңге және ғимараттың сыртқы көрінісіне 2 миллион теңге жұмсадық, - деді Өскемен қаласының әкімі Жақсылық Омар. - Қазір балабақша әдемі көрінеді.

Айтпақшы, биыл ЖҚЖК бойынша 25 білім беру мекемелерінде жөндеу жұмыстарының 58 түрі жүргізілуде. Бұл № 62 балабақшадағы күрделі жөндеу және мектептерде, мектепке дейінгі мекемелерде және бір қосымша ұйымда 57 жұмыс түрі жасалуда. Жоғарыда аталған жұмыстарды жүзеге асыруға республикалық бюджеттен 825 миллион 990 мың теңге бөлінді. Бұл үшін 318 уақытша жұмыс орны құрылып, адамдар жұмыспен қамту орталығы арқылы жұмысқа тұрды.