Шілікті тарихындағы алғашқы алма

Аудан әкімдігі әлеуметтік желіде жариялаған ақпаратқа сүйенсек, алма «золотой превосход». Бұрын соңды бұл ауылда алма өсірілмеген көрінеді.

- Бұл алма ағашын менің марқұм әкем Совет Дүтбаев 1980 жылдары егіп еді. Екі алма ағашын будандастырып өсірген. «Кейін балаларым атасының алмасы» деп жүреді дейтін, - деп жазды желі қолданушыларының бірі.

Бірақ әлеуметтік желіде бұл жазбаны көрген шіліктіліктер алма бұл ауылд баяғыда да болғанын айтып жатыр.

- Біз бұрынғы ескі мектепте оқыдық. Сол ескі мектептің бақшасында да алма ағаштары жайқалып өсіп тұратын еді. Сабаққа сол бақшаны қақ жарып өтіп баратын едік, - деп естеліктерімен бөлісті шіліктілік Сақыпжамал.

Қойнауынан «Алтын адам» шыққан қасиетті топырақтың киелі екенін білетін едік, бұл орайда жердің құнарлылығына да көзіміз жеткендей.

- Біздің жақта картоп пен сәбіз ғана жақсы өседі деп ойлаушы едік. Алма да жақсы жеміс беріп тұр ғой. Еңбектеріңіз жансын! - деп тілектестігін білдірді Шіліктінің тумасы Жанна Иманқұл.