«Жаназаға 10 адамнан артық жиналмау керек»

ШҚО «Халифа Алтай» мешітінің бас имамы Ермек Мұқатай елдегі төтенше жағдай кезінде тұрғындардан сақтық шараларын барынша қатаң сақтауды талап етті

Бұл туралы аймақтық коммуникациялар қызметінде өткен баспасөз брифингінде айтылды.

- Өңір тұрғындарынан карантин уақытында сақтық ережелерін сақтауды сұраймыз. Жақындарымыз өмірден өзды деп топ ортаға көп жиналмаңыздар. Себебі құранда да жаратушы иеміз «өз өмірлеріңді қорғаңдар, сақтаңдар» деген. Сондықтан барынша шариғаттың талаптарын орындайық. Жаназаға қатыспады деп туыс-туғандарымызды кінәлаудың еш қажеті жоқ, - дейді «Халифа Алтай» мешітінің бас имамы Ермек қажы Мұқатай.

Оның айтуынша төтенше жағдай кезіндегі жағдайға байланысты жаназа шығарған кезде 10 адамнан артық жиналмау керек екен. Сонымен бірге масқа және қолғапты тастамау керектігін баса айтты.

Тақырыптар: Халифа Алтай мешіті