Өскемен мен ШҚО Өскеменде әскери кафедраның оқу-жаттығу жиыны онлайн өтуде
Бір ай ішінде студенттер жауынгерлік машиналарды пайдалану және жөндеу, атыс дайындығы және тағы басқалар бойынша қашықтықтан білім алады
Коронавирустың пандемиясына байланысты Д. Серікбаев атындағы ШҚТУ-дың 300-ге жуық студенті онлайн режимде запастағы офицерлердің кәсіби тәжірибесінен өтуде, деп хабарлайды Устинка LIVE тілшісі.
- Оқу-жаттығу жиындары - теориялық білімді бекіту үшін қажетті әскери даярлықтың соңғы кезеңі. Бір ай ішінде әскери кафедраның материалдық-техникалық базасын пайдалана отырып, әскери машиналарды пайдалану және жөндеу, атыс дайындығы, қару-жарақ пен әскери техникаға қызмет көрсету және т.б. бойынша қашықтықтан білім алатын болады, - деп хабарлайды Өскемен гарнизонының баспасөз қызметі.Оқу-жаттығу жиыны 22 тамызға дейін жалғасады және бітіру емтиханын тапсырумен аяқталады. Осы күні барлық оқу кезеңінде үздік нәтиже көрсеткен студенттерді марапаттау және қорытынды шығару өтеді.
