COVID-19-дан жазылған шығысқазақстандықтарды қан тапсыруға шақырады

COVID-19-ды жеңген шығысқазақстандықтар науқастарға көмектесе алады. Ол үшін қан тапсырулары керек. Қазір осындай көмекке мұқтаждар көп. Жазылып шыққандардың қан құрамындағы плазмада вирусқа қарсы денелер болады, оны науқасқа құйған уақытта дертпен күресуге септігі тиеді. Жасанды жолмен мұндай плазманы алу мүмкін емес, тек ауырып шыққан не жазылған адам ғана донор бола алады. 

- Өз плазмаңызды бере отырып, кем дегенде екі ауыр хәлде жатқан науқастың өмірін құтқара аласыз. Сіздің денсаулығыңызға ешқандай зияны тимейді, бұл жай ғана қарапайым үрдіс, - дейді облыстық ауруханга дәрігерлері.

Егер сіз иммундық плазма доноры болғыңыз келсе, Қан орталығына келіңіз. Мекенжайы: Өскемен қ., Көкжал Барақ көш., 11. Днорлық сұрақтары бойынша: 8(7232)70-08-08, 8(7232)70-38-38, 8-705-798-59-40, 8-705-752-09-64.