75 мың теңге әлеуметтік төлем туралы хабарлама - жалған

Белгісіз біреулер әлеуметтік желілерде қазақстандықтарға әлеуметтік көмек көрсетуді ұсынатын арнайы парақшаларды іске қосты, деп хабарлайды Устинка LIVE тілшісі.

Алайда ҚР Еңбек және халықты әлеуметтік қорғау министрлігінде бұл ақпаратты жоққа шығарды.

- Қазақстанда жаңа шектеу шараларының енгізілуіне байланысты әлеуметтік көмек төлемдері туралы әлеуметтік желілерде таратылған ақпарат шындыққа сәйкес келмейді. Бұған дейін төтенше жағдай режимін енгізуге байланысты 42500 теңге түріндегі әлеуметтік көмек енгізілді. Қазіргі уақытта шектеу шараларын күшейту әрекет етуде. Осыған байланысты төлемдерді жүзеге асыру үшін заңнамалық негіздер жоқ, - деп түсіндірді ведомствода.

Еңбек министрлігінде азаматтарды желіде таратылатын жалған мәліметтерге сенбеуге және тек ресми көздерден алынған ақпаратқа сенуге шақырды.