ШҚО-да 10 жастағы бала суға кетті

29 маусымда сағат 19.05-те полицияға әйел адам жүгініп, оқиға туралы хабарлаған, деп хабарлайды Устинка LIVE тілшісі. Тергеу тобы дереу оқиға орнына шыққан.

- Әжесі немересімен бірге Ертіс өзеніне барған. Біраз уақыттан кейін әжесі баланың өмір сүру белгілерінсіз су бетінде жатқандығын көрген, - деді Семей ТЖБ. - Ол дереу баланы судан алып шыққан, туысқандарын көмекке шақыра бастаған, кейін автокөлікке отырғызып, жақын маңдағы медициналық мекемеге жеткізген, онда дәрігерлер баланың өлімін анықтады.

Қазіргі уақытта жазатайым оқиғаның себептері мен жағдайларын анықтау бойынша тергеу жүргізілуде.

1 маусымнан бастап ШҚО-да 17 адам суға кетті, оның ішінде үш бала және төрт жасөспірім.