Өскемен жағалауларында жүргендерге су шашады

Өскемен қалалық Төтенше жағдайлар бойынша басқарманың құтқарушылары дабыл қағуда – облыста жыл басынан бері 15 адам суға батып кеткен

Сол үшін олар "Қауіпсіз жағажай" акциясын өткізуді қолға алған

Акция 26 маусым күні 15.00-де "Самал" жағажайында өтеді. Құтқарушылар демалушылар арасында викторина өткізіп, олардың суда және жағажайда жүргенде ұстану керек қауіпсіздік ережелерін қаншалықты білетіндіктерін сынамақ. Ертегі кейіпкерлері қойған сұраққа қате жауап бергендердің үстіне су шашады.

- Бұл тектен-текке емес, адамдардың назарын аудару үшін туған идея, - деп мәлімдеді Өскемен қалалық ТЖБ баспасөз қызметі. - Адамдар ережелерді еске түсіріп қана қоймай, көңіл-күйлері де көтеріліп қалар деп үміттенеміз.

Ал сұрақтарға дұрыс жауап бергендерді сыйлықтармен марапаттайды.

Біздің Telegram арнамыздағы ең маңызды нәрселер

Тақырыптар: Пляжный сезон Обливание водой Акция "Безопасный пляж"