Өскемен мен ШҚО Өскеменнің кішкентай тұрғыны көптің көмегіне зәру
Мұса Қуанышұлы - өткен жылы Өскемен қаласында өмірге келді. Ана құрсағында алты ай ғана болған бөбек, қазір ауыр сырқатпен арпалыс үстінде
Дәрігерлердің айтуынша, балалардағы церебералды паралич (ДЦП) ауруына шалдыққан.
- Уақытынан ерте туды. Салмағы бар болғаны 1,4 келі еді. Дәрігерлер "дцп" диагнозын қойды. Өскеменде көп жерге барып емдеттік. Массаж, лфк (емдік дене шынықтыру жаттығулары)... Бірақ ешқандай нәтиже болмады. Оның үстіне мамандар тапшы болды. Білетіндер Нұр-Сұлтан қаласында тұратын Латиф Парпиев есімді білікті реабилитолог маманнан ем алуға кеңес берді. Қазір осы дәрігерге қаралып жатырмыз. Бір реттік емдік курсы 300-400 мың теңгені қажет етеді. Біз әлі 4 курстық ем аламыз. Шетелге емдетуге қаражат жеткіліксіз болып тұр, - дейді Мұсаның анасы Назым Ажикенова.Емдік шараларды жалғастыру үшін біршама қаражат қажет. Бөбектің ата-анасы қайырымды жандардан көмек сұрайды. Қаржыны 87771476298 нөмірі бойынша Каспий голд арқылы (ЖСН: 5169 4971 7204 0051, Алтынай Бақытжанқызы) жіберуге болады.