Өскеменде емдік гимнастикадан тегін сабақтар өтеді

Оңалту бойынша жаттығулар басталып кетті. Бұнда буындармен жұмыс, цигун гимнастикасы мен өз-өзіңе массаж жасауға үйретеді.

- Профилактикалық дене шынықтыру адамның денсаулығына жақсы әсер етеді. Мәселен, буындарды жаттықтыру жетілдіреді, адамның бүкіл денесінің қимылын жақсартады. Ол ішпен тыныс алуға негізделген. Яғни, нәтижесінде өкпе көлемі ұлғайып, оның жұмысы жақсарады. Сосын ішкі ағзалардың жағдайы жақсарады, - деді Ушу және ұрыс өнері бойынша ШҚО федерациясының жаттықтырушысы Александр Александров.

Сауықтыру гимнастикаларының кестесі:

Жамбыл саябағы

09.00-10.00 — сейсенбі, жұма
18.00-19.00 — дүйсенбі, жұма

"Жастар"  саябағы (бұрынғы Киров) 

8.00-9.00 — сейсенбі, бейсенбі 

"Металлург" саябағы

9.30-10.30 — дйүсенбі, бейсенбі

Ауа райына қарай киінген жөн. Бастысы киіміңіз кең болып, іс-қимыл жасағанда кедергі жасамауы керек.

Жаттығуларды ушудан елмізідің чемпиондары  Татьяна Борта мен  Александр Александров жүргізеді. Мамандар бұл жаттығулардың жас бойынша, денсаулық жағдайы бойынша да кері әсері жоқ екенін айтады.