ШҚО-да соңғы тәулікте COVID-19 жұқтырған 16 адам тіркелді

Шығыс Қазақстан облысында коронавирус инфекциясын жұқтырған 16 адам анықталды
⠀

- 5 науқас – Семей қаласы, 4-еуі – Жарма, 3-еуі – Үржар, 2-еуі – Бородулиха және 2 науқас – Шемонаиха ауданының тұрғындары, - деп мәлімдеді облыс әкімінің баспасөз қызметі. -  Эпидемиологиялық көрсеткіштер бойынша 13 науқастан зертханалық талдаулар бұрынырақ КВИ ауруын жұқтырған адаммен қарым-қатынаста болған тұлға ретінде, 1 науқас әйел адамнан шет елден (РФ) келген тұлға ретінде, ЖРВИ белгілерімен түскен 1 науқастан мониторинг жасау кезінде және 1 науқастан скринингтік тексеру барысында алынған.

Қазіргі уақытта қауіпті вирусты жұқтырған науқастардың барлығы инфекциялық стационарға жатқызылды.
⠀

- Байланыста болған адамдарды эпидемиологиялық тексеру және медициналық тексеру жүргізу үшін ТКҚСҚБ аумақтық басқармасының мамандары мен медицина қызметкерлерінен құралған мобильді топ ұйымдастырылып, ошақтарға қорытынды дезинфекция жүргізілуде, - деп хабарлады облыс әкімінің баспасөз қызметі.

⠀
Эпидемиологиялық тергеу және эпидемияға қарсы шаралар жалғасуда.
⠀
Осы уақыттағы жағдай бойынша облыста коронавирусты жұқтырған 135 адам тіркелді.