Шығыс Қазақстандағы карантиндік шектеу шаралары 13 маусымға дейін ұзартылды

Соңғы 7 күн ішінде сырқаттанушылықтың өсу деңгейі анықталған: облыс бойынша - 9,3%, Өскемен - 14,3%, Семей қалалары бойынша – 17,8%.

Осыған сәйкес ШҚО бас санитары жаңа Қаулы қабылдады.

Семей қаласынан өзге, қоғамдық көліктер барлық өңірлер бойынша сақталады. Сонымен қатар, блок-бекеттерден қызыл және көк рұқсат қағазымен өту ережесі қалады. Ал өскемендіктер рекреациялық аймақтарға жұмы күні 18.00-ден жексенбі 21.00-ге дейін барып келе алады. 

Шектеу іс-шараларының режимі мен мерзімі COVID-19 коронавирустық инфекцияның таралуы бойынша жағдайдың өзгеруіне сәйкес қайта қаралуы мүмкін. 

ШҚО бас санитары Марат Исмаилов аудандар мен қалалардың арасындағы сыртқы блокпосттардан шығатындарға бақылау қамтамасыз етуді тапсырды.

- Алматы, Қарағанды және Павлодар облыстары тарапынан Шығыс Қазақстан облысына кіру/шығу кезінде сыртқы шекараларындағы блокпосттардың жұмысын қамтамасыз етсін. Күшейтілген санитариялық-дезинфекциялық режимді міндетті түрде сақтай отырып, облыстың аудандары мен қалалары арасында блокпосттар арқылы көліктің кіруіне/шығуы тек жергілікті атқарушы органдармен берілген қызыл немесе көк түсті арнайы рұқсаттамалар бойынша рұқсат етілсін. Санитариялық-эпидемиологиялық қауіпсіздік нормалары сақталған жағдайда, Семей қаласынан/қаласына баратын маршруттарды қоспағанда, тұрақты қалааралық облысішілік автобус тасымалын реттеу жалғастырылсын, - деді бас санитар.

Қаулының толық мәтінімен мына сілтеме бойынша танысуға болады: https://www.gov.kz/memleket/entities/departament-kkbtu-vko/documents/details/37677?lang=kk