ШҚО-да жабайы үйректер жаппай қырылған

Оқиға 25 мамыр күні тіркелген. Сол күні Бородулиха ауданының ветеринария және санитарлық-эпидемиологиялық қызмет, аудандық ТЖ бөлімі мен Бородулиха ауылдық округінің әкімдігі  оқиға орнына барған.

Мамандар үйректердің тұтас етінен талдама алды, өзен суы да алынып, материалдар Нұр-Сұлтандағы зертханаға жіберілді. Нәтижесі үш-бес күнде белгілі болады.

- Бұған дейін де, кейін де құстар өлмеген. Бұл бірінші рет болып тұр және тек жабайы үйректер өлген, басқа суда жүзетін құстар аман. Оның үстіне бір аймақта ғана, - дейді Бородулиха ауданының әкімі Ольга Булавкина. - Бұл аймақта балық аулауға уақытша тыйым салдық.

Үйрек өлекселері санитарлық-эпидемиологиялық нормаларды сақтай отырып жиналып, жойылды.