Загородный кентінде көптен күткен жарық тартылды

Загородный кентінің тұрғындары екі жыл бойы көше жарығынсыз тұрып келген. Екі жылдан бері көмек сұрап қақпаған есіктері қалмапты.

- Овечий Ключте 200-ден астам адам тұрады. Үштен бірі – зейнеткерлер, қалғандары – еңбек адамдары мен балалар. Балалар мектепке, балабақшаға тек үлкендермен бірге баруға мәжбүр еді. Өйткені жалғыз жету қауіпті: шұңқырға, батпаққа түсіп кетуі мүмкін, - дейді ауыл ақсақалы Аслан Сусуров.

Өткен жылдың соңында аудан тұрғындары Өскемен қаласының әкімі Жақсылық Омарға жағдайды жеткізген. Қала басшысы жарық тартып беруге уәде еткен. Әкім уәдесінде тұрды, Овечий Ключке 70-тен астам шам қойылды.