Су қоймалары ау мен қоқыстан тазартылуда

Уылдырық шашу кезінде ШҚО аумағында балық аулауға тыйым салынған. Бірақ балық аулауды сүйетін жандар кез келген жерге балық ау құрып кетіп жүр.

Бұл кезеңде ШҚО табиғи ресурстар жіне табиғатты пайдалануды реттеу басқармасының орман және аңшылық шаруашылығының жылдам әрекет ету тобы тазалық жүргізеді. 1 мамырдан бастап олар "Таза су қоймасы" акциясына қатысады. Мамандар балық шаруашылық су қоймаларын қараусыз жатқан аулардан, жағалауларды қоқыстан тазартады.

- Бұл акцияға 12 экипаж жұмылдырылған. Қазір Шемоаниха, Тарбағатай, Көкпекті, Ұлан және Катонұарағай аудандарында су қоймалары ау мен тұрмыстық қатты қалдықтардан тазартылған. Сонымен қатар, мамандандырылған техника да тартылады, - деп атап өтті мамандар.

Жалпы осы уақыт аралығында 23 500 метр ау мен 103 келі балық табылды.