ШҚО-да балабақшалар ашылады

Балабақшалардың жұмысы 25 мамырдан басталады. Алдымен кәсіпорындар мен тіршілікті қамтамасыз ету орындарында жұмыс істейтін ата-аналардың балалары қабылданады.

Облыстың бас санитарының №10 Қаулысында мектепке дейінгі мекемелерінің жұмысына қатысты тыйым жазылмаған.

- Егер тыйым салынбаса, жұмыс істеуіне рұқсат, - деп атап өтті өңірдің бас санитары Марат Исмаилов. – Облыс бойынша барлық балабақшалар жұмысын бастайды. Тек Семей қаласынан өзге. Егер баланы ата-әжелері немесе туыстары қарайтын жағдай болса, үйде қалдырған жөн. Балабақшалар балаларды тек қажет жағдайда ғана қабылдайды.

Таңертең балабақшаға келген балалардың міндетті түрде дене температурасы өлшенеді. Егер вирус инфекциясының белгілері байқалса, үйіне қайтарылады. Балаларға маска тағу міндетті емесе, бірақ тәрбиешілер топтар арасындағы ара қашықтық нормаларын сақтауы керек.