Өскемен мен ШҚО Зейнеткердің үйінен бес келі азық-түлік ұрлап кеткен
Оқиға Күршім ауданында орын алған, полиция қызметкерлері «аштықтан» зейнеткерді тонаған ұрыны ұстады
19 мамыр күні 67 жастағы зейнеткер полицияға қоңырау соққан. Оның айтуынша, дәлізге ұрланып кіргендер үш келі қой еті мен екі келі сары майын алып кеткен. Шығын 12 мың теңгеге бағаланды.
ШҚО Полиция департаментінің баспасөз қызметі күдіктінің ізін суытпай ұстағандарын айтты. Ол 46 жастағы сол ауылдың тұрғыны екен. Тергеу барысында қылмысын мойындаған азамат азық-түлікті қайтарған.
- Осы фактіге байланысты ҚР ҚК 188-бабы 3-бөлігі бойынша тергеу жүріп жатыр, - деп қосты ШҚО ПД.
Азық-түлік ұрлағаны үшін екі жылдан жеті жылға дейін бас бостандығы шектетілуі мүмкін немесе мүлкі тәркілене отырып осы мерзімге бас бостандығынан айырылуы мүмкін.