Біреудің жууға өткізген кілемін ұрлап кеткен

Полиция қызметіне автожуу орнының әкімгері қоңырау шалып, белгісіз біреу екі кілемді ұрлап кеткенін хабарлаған. Жалпы шығын 50 мың теңге деп бағаланды.

Тәртіп сақшылары күдікті 42 жастағы азаматты ұстады. Заттай айғақтар да тәркіленді.

Өскемен қалалық Полиция басқармасының баспасөз қызметі хабарлағандай, осы фактіге қатысты ҚР ҚК 188-бабы бойынша сотқа дейінгі тергеу жүріп жатыр.