Өскемендегі мектеп-интернат 30 жылда бір рет күрделу жөндеу көрмек

Қазір қызу жұмыстары жүріп жатыр.

Мектеп директоры Анар Жетібаеваның айтуынша, 1963 жылы салынған ғимараттың ішінде ішінара қалпына келтіру және жылыту жүйесінің ағымдағы жөндеу жұмыстары 28 жыл бұрын жүргізіліпті. Одан кейін білім бөлімі тек жарты миллион теңгеден бөліп келген. Бұл сома тек ішкі жұмыстарға жетеді.

- Мектепте 200-ден астам бала оқиды. Бұл жетім және асыраушысынан айырылған балалар, аз қамтылған отбасылардан шыққан психикалық тежелісі бар қыздар мен ұлдар. Сабақ кезінде балалар осында жатып оқиды. 200 орындық екі жатақхана бар. Бұнда тұру және тамағы мемлекет тарапынан төленеді, - дейді Анар Төреханқызы. – Биыл мектеп-интернаттың жөндеу жұмыстарына 70 млн теңге бөлінді.

Мектептегі 260 терезе, 194 есік, ағаш едені керамогранитке ауыстырылады, жарығы да толық алмастырылмақ. Асхана мен қасбеті толық өзгертіледі. Қазір нысанда үш мердігер мен 62 жұмысшы бар.

- Тағы 600 мың теңге қалалық бюджеттен бөлінді. Педагогтары бұндай соманы естігенде аң-таң қалды, - дейді директор. – Қыркүйекте әріптестеріміз өз мектептерін танымай қалатын шығар.

Мердігерлер жұмыстарды 30 маусымға дейін аяқтады жоспарлап отыр.