Өскеменде саяжайларға баратын автобус аптасына бес күн жүре бастады

Қалалық ТҮКШ, жолаушылар көлігі және автокөлік жолары бөлімі хабарлағандай, саяжайға баратын №417 автобус (Өзен вокзалы-Восточник) өз кестесін өзгерткен.

15 мамырдан бастап көлік дүйсенбі мен бейсенбіден басқа күндері де жүре береді.

- Бұл бағытта екі кесте бар. Өзен вокзалынан шығатын уақыт: 7.30, 8.30, 16.00, 17.00, Восточниктен шығатын уақыт: 8.00, 9.00, 16.30, 18.00, - деп қосты мекемедегілер.