Үш ай бойы жалға беру ақысын ала алмай келген

Зардап шегуші белгісіз бір ер адам бояу компрессорын жалға аламын деп алдап алып кеткен. Компрессор құны – 50 мың теңге.

- Қаңтар айында белгісіз ер адам зардап шегушіге хабарласып, бояғыш затты жалға алғысы келетінін айтқан. Біраз уақыт өткеннен кейін ақшасын қашан төлейтінін білу үшін жалға алушыға хабарласқанда ол біраз күтуін сұраған, - дейді ШҚО Полиция департаментінің баспасөз қызметі.

Осылайша жалға алушы үш ай бойы ақшаны бермей келген. Ал жалға беруші азамат өзінің алданып қалғанын білгенде полицияға хабарласқан. Көп ұзамай 29 жастағы күдікті қолға түсіп, бөлімшеге жеткізілді. Ол ісін мойындады. Бояғыш зат тәркіленді.

Енді "Алаяқтық" бабы бойынша сотқа дейінгі тергеу басталды.