Өскеменде 5 мыңнан астам жұмыс орны пайда болады

Жаңа бос жұмыс орындарының негізгі бөлігін жұмысшы мамандықтар құрайды. Қазір Жұмыспен қамту орталығында 1200 жұмыс іздеушілер тіркелген. Бірақ ірі бағдарламаны аяқтау үшін бұл сан жеткіліксіз.

- Жұмыспен қамту жол картасы аясында 77 жоба жүзеге асырылады. Соның аясында 5 мыңнан астам адамды жұмыспен қамту көзделген, - дейді Өскемен қаласының жұмыспен қамту және әлеуметтік бағдарламалар бөлімінің басшысы Альмира Мусинова. – Тасшы, тас қалаушы, сырлаушы, ағаш ұстасы сұранысқа көп ие. Әйелдерге де, ерлерге де жұмыс табылады. Еңбекақысы 85 мың теңгеден кем емес.

Жол картасы бойынша "Үлбі" халықты әлеуметтік қорғау орталығы, Бейәлеуметтендіру орталығы және 26 білім беру орнындағы құрылыс жұмыстары жасалады.