Өскеменде жол төсеміне байланысты ауқымды жөндеу жұмыстары жүргізіліп жатыр

Буров және Қазақстан көшелері арасындағы учаскеде мердігерлер жол жабынының жоғарғы бөлігін - қиыршық тас-мастикалық асфальт төсей бастады. Жақын арада жаяу жүргіншілер жолы мен кіріп-шығу жолдарына кіріседі, деп хабарлайды Устинка LIVE.

- Бұл учаскенің жалпы ұзындығы-14500 шаршы метр. Төрт жолақтың ені 3,75 метрден болады, - дейді Өскемен қаласының тұрғын үй - коммуналдық шаруашылық, жолаушылар көлігі және автомобиль жолдары бөлімінің басшысы Еркін Тұраров. - Мамыр айының соңына қарай жұмысты аяқтаймыз.

Сондай-ақ, Шәкәрім даңғылында Белинский көшесінен Абай даңғылына дейін қозғалыс екі жақты болады. Қазір жаңа жолақтар төселіп, тегістеліп жатыр.